ದೇಶದಲ್ಲಿ ಸಾರ್ಟ್ ಪೋನ್ ನಲ್ಲೇ ಈಗ ಎಲ್ಲವೂ ಸಿಗುತ್ತಿದೆ. ಅಂಗೈನಲ್ಲೇ ಜನರಿಗೆ ಮನರಂಜನೆ ಸಿಗುತ್ತಿದೆ. ಜನರು ಓಟಿಟಿ, ಯೂ ಟ್ಯೂಬ್ ಗಳಿಗೆ ಶಿಫ್ಟ್ ಆಗಿದ್ದಾರೆ. ಮನೆ ಮಂದಿಯೆಲ್ಲಾ ಕುಳಿತು ಟಿವಿ ನೋಡುವ ಅಭ್ಯಾಸವಾಗಿ ಮರೆಯಾಗುತ್ತಿದೆ. ಪರಿಣಾಮ ಕಳೆದ 3 ವರ್ಷದಲ್ಲಿ 50 ಮನರಂಜನಾ ಚಾನಲ್ ಗಳು ಬಂದ್ ಆಗಿವೆ.
3 ವರ್ಷದಲ್ಲಿ 50 ಮನರಂಜನಾ ಚಾನಲ್ ಬಂದ್!
ಟಿವಿ ಚಾನಲ್ ಬಿಟ್ಟು ಡಿಜಿಟಲ್ ಮೀಡಿಯಾಗೆ ಶಿಫ್ಟ್ ಆದ ಜನರು ಭಾರತದಲ್ಲಿ ಜನರು ಈಗ ಟಿವಿ ಚಾನಲ್ ಗಳನ್ನು ಮನರಂಜನೆಗಾಗಿ ನೋಡುವುದಕ್ಕಿಂತ ಹೆಚ್ಚಾಗಿ ಮೊಬೈಲ್ ಗಳನ್ನೇ ಹೆಚ್ಚಾಗಿ ವೀಕ್ಷಿಸುತ್ತಿದ್ದಾರೆ. ಮೊಬೈಲ್ ವೀಡಿಯೋಗಳಿಗೆ ಜನರು ಹೆಚ್ಚಾಗಿ ಅಡಿಕ್ಟ್ ಆಗುತ್ತಿದ್ದಾರೆ. ಭಾರತದಲ್ಲಿ ಅಗ್ಗವಾಗಿ ಮೊಬೈಲ್ ಡೇಟಾ ಸಿಗುತ್ತಿದೆ. ಎಲ್ಲರ ಕೈಯಲ್ಲೂ ಸ್ಮಾರ್ಟ್ ಪೋನ್ ಗಳಿವೆ. ಮೊಬೈಲ್ ನಲ್ಲೇ ಸಿನಿಮಾಗಳು ಪ್ರಸಾರವಾಗುತ್ತಿವೆ. ಓಟಿಟಿ ಮೂಲಕ ಮೊಬೈಲ್ ನಲ್ಲೇ ಸಿನಿಮಾ ನೋಡುತ್ತಿದ್ದಾರೆ. ಮೊಬೈಲ್ ನಲ್ಲೇ ಮನರಂಜನೆಗಾಗಿ ಧಾರವಾಹಿಗಳನ್ನು ಜನರು ನೋಡುತ್ತಿದ್ದಾರೆ. ಇದರ ಪರಿಣಾಮ ನೇರವಾಗಿ ಮನರಂಜನಾ ಟಿವಿ ಚಾನಲ್ ಗಳ ಮೇಲೆ ಆಗುತ್ತಿದೆ. ಮನರಂಜನಾ ಟಿವಿ ಚಾನಲ್ ಗಳು ಬಾಗಿಲು ಮುಚ್ಚಬೇಕಾದ ಅನಿವಾರ್ಯ ಪರಿಸ್ಥಿತಿ ನಿರ್ಮಾಣವಾಗಿದೆ. ಕಳೆದ 3 ವರ್ಷಗಳಲ್ಲಿ 50 ಮನರಂಜನಾ ಟಿವಿ ಚಾನಲ್ ಗಳು ಬಾಗಿಲು ಮುಚ್ಚಿವೆ ಎಂದು ಇತ್ತೀಚೆಗೆ ಎಕನಾಮಿಕ್ ಟೈಮ್ಸ್ ವರದಿ ಮಾಡಿದೆ.
ಜನರ ಟಿವಿ ನೋಡುವ ಅಭ್ಯಾಸ ಬದಲಾವಣೆ, ಜನರು ಡಿಜಿಟಲ್ ಮೀಡಿಯಾಗಳಲ್ಲಿ ಅಡಿಕ್ಟ್ ಆಗಿರುವುದರಿಂದ ಮನರಂಜನಾ ಚಾನಲ್ ಗಳ ಜಾಹೀರಾತು ಆದಾಯವೇ ಕುಸಿದು ಹೋಗಿತ್ತು. ಪರಿಣಾಮವಾಗಿ ಕಳೆದ 3 ವರ್ಷಗಳಲ್ಲಿ 50 ಚಾನಲ್ ಗಳು ತಮ್ಮ ಚಾನಲ್ ಲೈಸೆನ್ಸ್ ಅನ್ನು ಕೇಂದ್ರ ಸರ್ಕಾರಕ್ಕೆ ಸರೆಂಡರ್ ಮಾಡಿವೆ.
ಮಾಹಿತಿ ಮತ್ತು ಪ್ರಸಾರ ಸಚಿವಾಲಯದ ದತ್ತಾಂಶದ ಪ್ರಕಾರ, ಟಿವಿ ಪ್ರಸಾರ ಪರವಾನಗಿಗಳನ್ನು ತ್ಯಜಿಸಿದವರಲ್ಲಿ ಜಿಯೋಸ್ಟಾರ್, ಜೀ ಎಂಟರ್ಟೈನ್ಮೆಂಟ್ ಎಂಟರ್ಪ್ರೈಸಸ್, ಈನಾಡು ಟೆಲಿವಿಷನ್, ಟಿವಿ ಟುಡೇ ನೆಟ್ವರ್ಕ್, ಎನ್ಡಿಟಿವಿ ಮತ್ತು ಎಬಿಪಿ ನೆಟ್ವರ್ಕ್ ಸೇರಿವೆ ಎಂದು ಎಕನಾಮಿಕ್ ಟೈಮ್ಸ್ ವರದಿ ಮಾಡಿದೆ.
ಪ್ರತ್ಯೇಕವಾಗಿ, ಸೋನಿ ಪಿಕ್ಚರ್ಸ್ ನೆಟ್ವರ್ಕ್ ಇಂಡಿಯಾ ಆಗಿ ಕಾರ್ಯನಿರ್ವಹಿಸುವ ಕಲ್ವರ್ ಮ್ಯಾಕ್ಸ್ ಎಂಟರ್ಟೈನ್ಮೆಂಟ್, ಸಚಿವಾಲಯದಿಂದ ಅನುಮೋದನೆ ಪಡೆದ ನಂತರ ಒಂದೇ ಸೆಟ್ ಚಾನೆಲ್ಗಳನ್ನು ಅಪ್ಲಿಂಕ್ ಮತ್ತು ಡೌನ್ಲಿಂಕ್ ಮಾಡಲು 26 ಡೌನ್ಲಿಂಕಿಂಗ್ ಅನುಮತಿಗಳನ್ನು ತ್ಯಜಿಸಿದೆ.
ಪರವಾನಗಿ ವಾಪಸ್ ಏಕೆ?
ಭಾರತದ ಪೇ-ಟಿವಿ ಪರಿಸರ ವ್ಯವಸ್ಥೆಯು ನಿರಂತರ ಒತ್ತಡದಲ್ಲಿದೆ, ಶ್ರೀಮಂತ ಕುಟುಂಬಗಳು ಒಟಿಟಿ ಪ್ಲಾಟ್ಫಾರ್ಮ್ಗಳಿಗೆ ಹೆಚ್ಚಾಗಿ ಬದಲಾಗುತ್ತಿವೆ, ಆದರೆ ಬೆಲೆ-ಸೂಕ್ಷ್ಮ ಮನೆಗಳು ಡಿಡಿ ಫ್ರೀ ಡಿಶ್ಗೆ ವಲಸೆ ಹೋಗುತ್ತಿವೆ.
2019ರ ಹಣಕಾಸು ವರ್ಷದಲ್ಲಿ 72 ಮಿಲಿಯನ್ ಇದ್ದ DTH ಚಂದಾದಾರರ ಸಂಖ್ಯೆ 2024ರ ಹಣಕಾಸು ವರ್ಷದಲ್ಲಿ 62 ಮಿಲಿಯನ್ಗೆ ಇಳಿದಿದೆ. ಕ್ರಿಸಿಲ್ನ ಇತ್ತೀಚಿನ ವರದಿಯ ಪ್ರಕಾರ, ET ಉಲ್ಲೇಖಿಸಿದಂತೆ ಚಂದಾದಾರರ ಸಂಖ್ಯೆ ಮತ್ತಷ್ಟು ಕುಸಿಯುವ ಸಾಧ್ಯತೆ ಇದೆ.
ಪರವಾನಗಿ ವಾಪಸ್ ಮಾಡಿರುವುದು ಹಲವಾರು ಕಾರಣಗಳಿಂದ ಉಂಟಾಗಿದೆ ಎಂದು ಉದ್ಯಮದ ಕಾರ್ಯನಿರ್ವಾಹಕರು ಹೇಳಿದ್ದಾರೆ. ಜಾಹೀರಾತು ಕುಸಿತವು ಮನರಂಜನಾ ಟಿವಿ ಚಾನಲ್ ಗಳ ಮೇಲೆ ಆರ್ಥಿಕ ಒತ್ತಡವನ್ನು ಹೆಚ್ಚಿಸಿದೆ.
